Quotes

From the blog

कर्मविपाक

More Blog Articles

Upcoming Events

  • No events
  • फुले जणु अद्वैताचे फूल

    Posted on July 5, 2016

    भगवान श्रीरामकृष्ण

    फुले जणु अद्वैताचे फूल || धृ ||

    कोमल तनु ही तपे वाळली

    अविचल भावे शान्त बैसली

    भावावेगे कधी डोलली

    कधी न देखाव्याची झूल || १ ||

    नयनांमाजी अखंड करुणा

    एके भावी असे धारणा

    कधी वृत्ति न उठे दारुणा

    असे मनि समरसतेचा डोल || २ ||

    दया दाटली अंत: करणी

    वेदांताची नसे दाटणी

    मंजुळ शब्दें नटली वाणी

    मनामधि श्रवणें रुतती बोल || ३ ||

    संगे माता असे सारदा

    तीहि फुलाच्या घेई छंदा

    ऐक्य पावली ती सुखकंदा

    तयां ना तनुभोगाची भूल || ४ ||

    विवेक संगे जो आनंद

    तया संगती जमले वृन्द

    ज्ञानें प्रेमें झाले धुंद

    पश्चिम प्राची झाले पूल || ५ ||


    हे सर्व लेख प पू डाँ श्रीकृष्ण द देशमुख लिखित असुन साधकांनी केवळ व्यक्तीगत अभ्यासाकरीता त्यांचा वापर करावा.

    Blog Search